Pas përfundimit të rrugëtimit të saj si opinioniste në Ferma VIP 3, Einxhel Shkira ka ndarë një mesazh emocionues, ku ka reflektuar mbi eksperiencën e saj në spektaklin e njohur.mShkira tregoi se ftesa për t’iu bashkuar projektit erdhi në një moment jo të lehtë të jetës së saj, mes angazhimeve familjare, distancës, sfidave personale dhe rikuperimit nga një dëmtim fizik. Megjithatë, ajo shprehet se sot është e lumtur që e pranoi këtë sfidë dhe se çdo sakrificë ka vlejtur.
“Ishte një projekt gjigant live, me përgjegjësi dhe presion të madh, por një eksperiencë që më rriti profesionalisht dhe personalisht”, shkruan ajo, duke theksuar se vlerëson veçanërisht projektet që ofrojnë përvojë dhe zhvillim përtej aspektit financiar. Në mesazhin e saj, Einxhel Shkira falënderoi publikisht figurat kryesore që i besuan dhe e mbështetën gjatë këtij rrugëtimi, mes tyre Arbana Osmani për ftesën dhe besimin në aftësitë e saj, ku edhe nga ndarë mesazhin që i erdhi nga Osmani për të qenë ajo opinioniste në këtë edicion.
Një falënderim i veçantë shkoi edhe për regjisorin Eduart Grishaj dhe të gjithë stafin, të cilët, sipas saj, ishin thelbësorë për suksesin e spektaklit. Shkira nuk harroi të vlerësojë edhe kolegët e saj opinionistë, Armina Mevlani dhe Ermal Mamaqi, me të cilët ndau muaj të tërë pune intensive.
