Reperi i njohur Noizy ka reaguar ashpër në lidhje me debatet publike për investimet e huaja në Shqipëri dhe protestat. Noizy shprehet se nuk beson në pretendimet se vendi po “shitet” dhe i cilëson këto si përralla. Ai thekson se në Shqipëri, veçanërisht në zonën e Durrësit, ka shumë shtetas të huaj nga vende si Polonia, Rusia, Greqia, Gjermania dhe Austria që kanë blerë prona, dhe sipas tij kjo është një dukuri normale në një ekonomi të hapur. ”Askush nuk po e shet Shqipërinë, rrini të qetë. Unë nuk u besoj përrallave se po i shitet Shqipëria Izraelit”,-është shprehur reperi në një postim në Instagram, duke shtuar se nuk sheh arsye për të marrë pjesë në protesta të tilla.
Postimi i plotë
Na keni lodhur. Kush do ndryshim, le të dalë në protestë. Mos na bëni moral si shumë të tjerë, sepse na keni çarë ka…
Askush nuk po e shet Shqipërinë, rrini të qetë. Unë njoh shumë polakë, rusë, grekë, gjermanë dhe austriakë që kanë blerë toka, shtëpi dhe prona në Durrës. Çfarë do të thotë kjo?
Tashmë e dini që ka protestë. Dilni atje dhe shprehni mendimin tuaj. Kush ka prona atje dhe kujtime të lidhura me atë vend, le të dalë në protestë.
Unë nuk u besoj përrallave se po i shitet Shqipëria Izraelit, prandaj nuk dal në protestë dhe as kam ndërmend të dal.
Madje, unë jam pro këtij investimi gjigant për Shqipërinë.
