Koronavirusi është kthyer në shqetësim të madh global. Ndërkohë që në në gjthë botën po merren masat për ndalimin e përhajes së tij, personazhet e njohura dërgojnë mesazhe sensibilizuese për ruajtje të qetësisë.
Mes tyre është edhe këngëtarja me origjinë shqiptare Rita Ora. Në këto ditë të vështira, ajo nuk i ka harruar bashkatdhetarët e saj.
Me anë të një video në rrjetin social Rita u bën apel shqiptarëve për të qëndruar në shtëpi dhe që të mos kenë frikë.
“Dua t’iu dërgoj dashurinë time. Jini të kujdesshëm, qëndroni në shtëpi, mos kini frikë dhe lani duart. Të bëjmë gjithcka që mundemi,”- tha këngëtarja. Ndërsa përfundoi mesazhin sensibilizues duke thënë në gjuhën shqipe: Ju dua.
