Elon Musk është bërë zyrtarisht personi më i pasur në botë pasi aksionet e tij në Tesla pësuan rritje. Pasuria e tij u rrit në më shumë se 188 miliardë dollarë dhe rrëzoi nga froni Jeff Bezos, themeluesi i Amazon që mbante vendin e parë.
Çmimi i aksioneve i Musk u rrit me 6% mëngjesin e së enjtes. Sipas Bloomberg, 49-vjecari Elon Musk ka një vlerë neto prej më shumë se 188.5 miliardë dollarë, e cila është vetëm 1.5 miliard dollarë më shumë se Bezos për sa i përket vlerës neto.
Bezos ka mbajtur titullin e personit më të pasur në botë që nga viti 2017 dhe aktualisht ka një pasuri 187 miliardë dollarë.
