Sa diamante mund të mbajë një unazë e vetme? Përgjigja, sipas librit të ri të Rekordeve Botërore Guinness, është 12,638. Harshit Bansal, themeluesi i “Renani Jewels” në Meerut, Indi, ka vendosur rekordin botëror me dizajnin e tij mbresëlënës.
Unaza, e quajtur Marigold, ose “Unaza e prosperitetit”, në formën e një luleje, ka një brez rrethor të zbukuruar me mijëra diamante natyrore 38.08 karat, sipas “Guinness”. Unaza peshon pak më shumë se 165 gram.
Bansal tha se u frymëzua për herë të parë për të thyer rekordin për një unazë të mbushur me diamante në 2018, ndërsa studionte dizajnin e bizhuterive në Surat, Indi. Dy vjet më vonë, kompania e tij përfundoi modelin e unazës më 30 nëntor 2020. Synimi ishte që të përfshinte më shumë se 10.000 diamante.
Bansal tha se ai tashmë kishte kthyer kërkesat nga blerësit që kishin bërë ofertat e para.
“Ne nuk kemi plane për ta shitur unazën. Është një çështje krenarie për ne. Marigold është e paçmuar ”.
Rekordi i mëparshëm – 7,801 diamante në një unazë – u vendos gjithashtu në Indi nga argjendarët “Hallmark Jeëellers” me bazë në Hyderabad