Erling Haaland vazhdon të thyejë rekorde dhe të konsolidojë statusin e tij si një nga sulmuesit më shkatërrues në historinë e Manchester City. Sulmuesi norvegjez ka arritur kuotën e 150 golave me fanellën e “qytetarëve” në vetëm 173 ndeshje, një shifër që flet qartë për efikasitetin e jashtëzakonshëm të tij.
Goli jubilar erdhi nga pika e bardhë, në minutën e 41-të të sfidës ndaj Brighton, duke i dhënë edhe më shumë peshë statistikës së tij mbresëlënëse. Haaland e ka arritur këtë prag 28 ndeshje më shpejt se çdo lojtar tjetër në historinë e Premier League që nga sezoni 1992/93, një rekord që e vendos atë në një nivel të veçantë.
Në moshën vetëm 25-vjeçare, norvegjezi ka lënë pas shumë emra të mëdhenj të klubit dhe tashmë i është afruar shifrave të Joe Hayes dhe Billy Meredith (152 gola), si dhe Colin Bell (153). Rekordi absolut i City mbetet ende në duart e Sergio Agüeros me 260 gola, por ritmi i Haaland lë të kuptohet se çdo objektiv është i arritshëm.
Që nga sezoni i debutimit 2022/23, Haaland ka qenë protagonist absolut: rekorde golash në kampionat dhe në të gjitha kompeticionet, “Këpuca e Artë” në më shumë se një sezon.
