Arsenal ka arritur marrëveshjen me Aston Villan për transferimin e mbrojtësit Ezri Konsa. “Topçinjtë” do të paguajnë rreth 51 milionë paund për 28-vjeçarin, i cili pritet të jetë përforcimi i radhës i skuadrës londineze.
Arsenali ishte në kërkim të një mbrojtësi të ri për shkak të mungesave të rëndësishme në prapavijë. Ëilliam Saliba dhe Jurrien Timber pritet të qëndrojnë jashtë fushave për një periudhë të gjatë, duke detyruar klubin të ndërhyjë në merkato.
Fillimisht, drejtuesit e Arsenalit kishin shqyrtuar mundësinë e transferimit të Jarell Quansah nga Bayer Leverkusen, por në fund zgjodhën të fokusohen te Konsa, me të cilin lojtari ka qenë edhe shok skuadre te kombëtarja e Anglisë. Të dy mbrojtësit kanë një profil të ngjashëm dhe mund të aktivizohen si në qendër, ashtu edhe në krahun e djathtë të mbrojtjes.
Aston Villa fillimisht kishte vendosur një çmim më të lartë për Konsan, rreth 60 milionë euro, ndërsa Arsenali synonte ta mbyllte marrëveshjen për një shifër më të ulët. Pas negociatave, palët gjetën gjuhën e përbashkët dhe arritën marrëveshjen për transferimin e mbrojtësit.
Tashmë mbetet vetëm përfundimi i procedurave dhe regjistrimi i lojtarit. Nëse gjithçka mbyllet në kohë, Konsa mund të jetë i gatshëm të debutojë që këtë fundjavë me fanellën e Arsenalit.