Ëndrra e Napolit për të realizuar një goditje të madhe në merkato rrezikon të shuhet përballë Barcelonës, në një skenar që ngjan shumë me atë që i ndodhi Interit në rastin Cancelo. Klubi i Të Kaltërve ka lëvizur me vendosmëri për Leon Goretzka, mesfushorin gjerman në skadencë kontrate me Bayern Munich në fund të sezonit dhe i vendosur të mos rinovojë, por tani duhet të përballet me një konkurrencë të fortë dhe, mbi të gjitha, “emocionale”.
Sipas asaj që raporton Sky Germania, Napoli i ka paraqitur tashmë Goretzkës një ofertë kontraktuale konkrete dhe shumë të rëndësishme. Megjithatë, lojtari ka vendosur gjithçka në pritje, duke ngrirë jo vetëm propozimin e klubit napolitan, por edhe ofertat që kanë ardhur nga Premier League.
Arsyeja është e qartë: Hansi Flick. Mesfushori i ka dhënë përparësi absolute një transferimi në La Liga, me dëshirën për t’u ribashkuar me trajnerin me të cilin ka ndarë sukseset te Bayern Munich. Marrëdhënia mes të dyve është e ndërtuar mbi respekt dhe besim të thellë, dhe Goretzka është i gatshëm të presë deri në fund një lëvizje konkrete nga katalanasit.
