Bayern Munich nuk ka shkuar më shumë se një barazim pa gola ndaj Schalke 04, në transfertë, në ndeshjen e vlefshme për javën e dytë të Bundesligës. Kampionët gjermanë shpërdoruan kështu dy pikë, vetëm pak ditë përpara debutimit në Champions League.
Bavarezët dominuan në pjesën më të madhe të takimit, por nuk arritën të gjejnë rrugën e rrjetës. Në fundin e sfidës, Harry Kane pati një mundësi të artë për t’i dhënë fitoren Bayern-it, por portieri i Schalke-s, Loris Karius, reagoi shkëlqyeshëm duke ndalur goditjen e sulmuesit anglez.
Ky ishte barazimi i parë 0-0 i Bayern Munich në Bundesligë që prej shkurtit të vitit 2025. Për Schalke-n, ndërkohë, pika e marrë është e para pas rikthimit në elitën e futbollit gjerman.
Bayern shkon në kuotën e 4 pikëve pas dy javëve, por rezultati ndaj Schalke-s i kushton edhe kreun e renditjes. Bavarezët i japin fund një serie prej 67 javësh radhazi në krye të Bundesligës.
Tashmë, vëmendja e Bayern-it zhvendoset te Champions League. Skuadra bavareze do të presë Bodø/Glimt të enjten, në ndeshjen e parë të fazës së ligës.