Bayern Munich-Leverkusen do të jetë finalja e Kupës së Gjermanisë për këtë sezon, teksa do të luhet më 4 korrik. Skuadra bavareze arriti të eliminonte Eintracht Frankfurt në gjysmëfinalen e dytë të këtij kompeticioni pasi në “Alianz Arena” fitoi me rezultatin minimal 2-1 një ndeshje të dominuar nga bavarezët.
Kjo ishte një hakmarrje e vogël ndaj Frankfurtit për humbjen që i shkaktoi në finalen e DFB Pokal, 2 vite më parë. Në minutën e 14-të Ivan Perisic u gjend i lirë brenda zone dhe me një goditje të saktë me kokë, mposhti Kevin Trapp dhe i dha epërsinë Bayernit.
Gjithsesi Frankfurt nuk u dorëzua dhe në pjesën e dytë në minutën e 69-të Da Costa vetëm 3 minuta pasi kishte hyrë në fushë realizoi golin e barazimit. Por baraspesha nuk zgjati shumë pasi në të 74-ën skenën e mori Robert Lewandowski që i shërbyer nga Kimmich shënoi golin që kualifikoi Bayernin në finale.
