Kylian Mbappe vazhdon të shkëlqejë në skenën më të madhe të futbollit botëror, duke udhëhequr Francën drejt fazës së 1/16-ve të Kupës së Botës 2026 me një tjetër paraqitje vendimtare.
Kapiteni i “Les Bleus” realizoi dy gola në fitoren bindëse 3-0 ndaj Suedisë, duke konfirmuar edhe një herë statusin e tij si një nga protagonistët kryesorë të turneut. Me këtë dygolësh, Mbappé e çoi në 18 numrin total të golave të shënuar në Kupat e Botës, vetëm një më pak se rekordi prej 19 golash i Lionel Messi. Gjithashtu, ai arriti kuotën e gjashtë golave në edicionin 2026, duke u barazuar me argjentinasin në garën për “Këpucën e Artë”.
Mbrëmja e sulmuesit përfundoi në minutën e 85-të, kur trajneri Didier Deschamps vendosi ta zëvendësonte me Jean-Philippe Mateta. Në momentin e largimit nga fusha, Deschamps tërhoqi vëmendjen me një gjest domethënës, duke iu përkulur kapitenit të tij në shenjë vlerësimi për paraqitjen e jashtëzakonshme.
Lidhur me arsyen e përkuljes ndaj Kylian Mbappe pasi ai shënoi dy gola kundër Suedisë në fitoren e Kupës së Botës FIFA sonte: “Njerëzit më pyetën pse u përkula para Kylian. Përgjigja është e thjeshtë: kur një lojtar mban shpresat e një kombi të tërë mbi supet e tij dhe performon edhe një herë në skenën më të madhe, ai meriton vetëm respekt. Nuk ishte sepse është një superlojtar, por për shkak të sakrificës, mentalitetit dhe përgjegjësisë që ai pranon çdo herë që vesh fanellën e Francës.”
Mais uma imagem histórica dessa Copa: Deschamps faz reverência a Mbappé, que simplesmente acabou com o jogo pic.twitter.com/h9Z5OlXrmH
— Romulo Dias 🇧🇷 (@RomuloBDias) June 30, 2026