Presidenti i Paraguajit, Santiago Pena, ka shpallur ditën e sotme festë kombëtare, vetëm pak minuta pas fitores së përfaqësueses paraguaiane ndaj Gjermanisë në Kampionatin Botëror të Futbollit.
Lajmi u bë i ditur nga vetë kreu i shtetit përmes rrjeteve sociale, menjëherë pas përfundimit të ndeshjes. Në një mesazh me tone festive, Peña shkroi: “Paraguaji nuk dorëzohet kurrë! Festë, dreqi ta hajë!”, duke konfirmuar vendimin për shpalljen e ditës pushim në të gjithë vendin.
Më vonë, Presidenca e Republikës publikoi edhe një deklaratë zyrtare, ku theksohej se festa kombëtare ishte dekretuar në nder të arritjes historike të kombëtares paraguaiane.
Sipas autoriteteve, masa synon t’u japë mundësi qytetarëve në mbarë vendin të festojnë kualifikimin e ekipit kombëtar në fazën e 1/8-ave të Botërorit, një sukses që po konsiderohet ndër momentet më të rëndësishme në historinë e futbollit paraguaian.