Kombëtarja e Suedisë do të përballet të martën në mbrëmje me Francën në ndeshjen e vlefshme për fazën e 1/16-ve të Kupës së Botës 2026. Edhe pse francezët e drejtuar nga Didier Deschamps konsiderohen favoritë për kalimin në raundin tjetër, sulmuesi suedez Viktor Gyökeres beson se skuadra e tij mund të realizojë një surprizë.
Ylli i Arsenal u bëri thirrje shokëve të ekipit të tij të besojnë te forcat e tyre, duke kujtuar se ky Botëror ka prodhuar jo pak rezultate të papritura.
“Duhet të besojmë te vetja. Në këtë turne kemi parë shumë ndeshje ku ka fituar skuadra që nuk konsiderohej favorite. E dimë se nisemi si outsiderë, por besojmë te mundësitë tona”, deklaroi Gyökeres.
Sulmuesi suedez theksoi se përballë një kundërshtari të kalibrit të Francës, skuadra e tij duhet të zhvillojë një ndeshje pothuajse perfekte në të gjitha aspektet.
“Duhet të luajmë në nivelin tonë maksimal, të mbrohemi pothuajse në mënyrë perfekte dhe të shfrytëzojmë çdo rast që do të krijojmë”, shtoi ai.
Suedia synon të shkaktojë një nga befasitë më të mëdha të fazës me eliminim direkt, ndërsa Franca kërkon të konfirmojë statusin e saj si një nga pretendentet kryesore për fitimin e trofeut botëror.