Interi pritet të jetë shumë aktive në merkato e dimrit. Christian Eriksen pritet të largohet pasi nuk përshtatet me skemat e trajnerit Conte. Me largimin e danezit, drejtori sportiv Marotta mund të nisë punën për t’i dhuruar një tjetër mesfushor trajnerit.
I preferuari i zikaltërve mbetet Kante, por duke parë vështirësitë për të arritur te lojtari i Chelsea, alternativa kryesore mund të jetë Rodrigo De Paul, të cilin Interi e ka kërkuar edhe më parë.
Gjithsesi nuk do të jetë aspak e thjeshtë pasi edhe Juventus e ka në listën e dëshirave mesfushorin argjentinas të Udineses.
