Tërheqje muskulore në kofshën e këmbës së majtë, që do ta mbajë sulmuesin e Interit, Alexis Sanchez jashtë ekipit për gjysmëfinalen kundër Shakhtarit. Kiliani u dëmtua gjatë çerekfinales kundër Bayer Leverkusen, duke qëndruar në fushë vetëm për numër në minutat e fundit.
“Gjendja e tij do të vlerësohet ditë pas dite”, shkruhet në njoftimin e Interit. Sanchez me siguri që do të humbasë sfidën e së hënës kundër Shakhtarit, teksa kjo ndalesë vjen në momentin e tij më të mirë. Kiliani fitoi një formë fantastike në sfidat e fundit, që bëri që klubi zikaltër të bënte transferimin e tij përfundimtar nga skuadra e Manchester United. /R.Lika-Koha Jone/