Ylli i Argjentinës, Lionel Messi, vazhdon të shkruajë historinë e futbollit botëror. Në ndeshjen e Grupit J të Kupës së Botës 2026 ndaj Austrisë, argjentinasi vendosi katër rekorde të reja botërore, ndërsa regjistroi edhe një rekord negativ.
Sipas të dhënave të publikuara nga Guinness World Records, Messi theu këto rekorde në Botëror:
- Futbollisti me më shumë gola të shënuar në fazat finale të Kupës së Botës gjatë karrierës – 18 gola;
- Futbollisti me më shumë ndeshje të luajtura në Kupat e Botës – 28 paraqitje;
- Futbollisti me më shumë fitore në historinë e Kupës së Botës – 18 fitore;
- Futbollisti me më shumë minuta të luajtura në Botëror – 2,489 minuta.
Megjithatë, ndeshja ndaj Austrisë solli edhe një statistikë të padëshiruar për Messin. Në minutën e 9-të ai humbi një penallti, e treta e dështuar në karrierën e tij në Kupat e Botës.
Me këtë rast, Messi u bë lojtari me më shumë penallti të humbura në historinë e Botërorëve, duke lënë pas ish-sulmuesin e Ganës, Asamoah Gyan, i cili kishte dy penallti të humbura. Në këtë statistikë nuk përfshihen gjuajtjet e penalltive pas kohës së rregullt të lojës.