Verën e kaluar Diego Godin refuzoi rinovimin e kontratës me Atleticon e Madridit dhe vendosi të transferohet në Milano, te Interi, ku deri tani nuk ka arritur të shndërrohet në një titullar fiks, pasi nuk po përshtatet dot me skemën me tre në mbrojtje, që aplikon Antonio Conte.
Tekniku italian ka preferuar shpesh herë të riun Bastoni para Godin, ndaj veteran uruguaian po mendon largimin këtë verë, për të luajtur rregullisht dhe për të qenë në formë për kampionatin Botëror “Katar 2022”.
Së fundi, mediat spanjolle raportojnë se ka qenë trajneri i Atleticos së Madridit, Diego Simeone që ka telefonuar Godin dhe i ka konfirmuar se është i mirëpritur të rikthehet sërish në “Wanda Metropolitan”, ku arriti edhe kulmet e karrierës së tij.
Për mbrojtësin uruguaian, përveç Atleticos së Madridit, interesohen edhe klubet angleze të Manchester United dhe Tottenham, që janë gati t’i ofrojnë një kontratë për të paktën dy sezonet e ardhshme.