Ndeshja PSG-Milan, e planifikuar për nesër në mbrëmje në “Parc des Princes”, do të jetë shumë e rëndësishme për grupin F të Champions League, por jashtë fushave të lojës mund të ketë trazira.
Në Francë kjo sfidë cilësohet me rrezikshmërinë e nivelit 3, që do të thotë autoritetet kanë frikë nga problemet e rendit publik dhe kjo gjë, sipas “L’Equipe”, pritet të ndodhë nga përplasjet e mundshme mes tifozëve kuqezi dhe napolitanëve, të ftuar nga ultrasit e Paris pasi tashmë janë një grupim i binjakëzuar.
“Në Paris priten 2000 tifozë të Milanit, duke përfshirë 500 ultras. Nuk ka konflikte të veçanta mes atyre të Milanit dhe të PSG-së, por ultrasit e klubit francez kanë ftuar ultrasit napolitanë, me këta të fundit që nuk i kanë marrëdhëniet e mira me tifozët milanez dhe kjo gjë ka bërë që autoritetet publike të zgjohen”, raporton “L’Equipe”.
