Ernest Muçi po shijon një sezon të veçantë me Trabzonspor, ndërsa sulmuesi shqiptar ka folur pas sfidës ndaj Başakşehir për objektivat e skuadrës dhe eksperiencën përkrah Mohamed Salah.
Muçi e cilësoi yllin egjiptian si një futbollist të madh, duke theksuar krenarinë që ndien për të luajtur në të njëjtin ekip me të.
“Salah është një lojtar i madh. Për të gjithë ne është një nder që luajmë përkrah tij. Kur nisi ky sezon kishim si synim që ta kthenim në një sezon të suksesshëm”, u shpreh Muçi.
Vëmendja tashmë është te sfida e radhës. Përballë Ferencvaros, objektivi i Trabzonspor është i qartë, kualifikimi. “Kemi si qëllim që të shkojmë atje për të fituar. Duhet që të kualifikohemi”, deklaroi sulmuesi kuqezi.