Real Madrid vijon ecurinë shumë pozitive në kampionat duke arritur fitoren e tretë radhazi, 2-1 në transfertë ndaj Alaves. Pas një pjese të parë të mbyllur pa gola, por me raste në të dyja krahët, do të ishte ekipi i Zidane që do të gjente shumë shpejt rrjetën në fillimin e fraksionit të dytë.
Sergio Ramos është në kohën dhe në vendin e duhur në minutën e 52-të, për të realizuar golin e avantazhit. Reagimi i Alaves nuk do të vononte, teksa pas një prekje të topit me dorë në zonë në minutën e 65-të nga Marcelo, gjyqtari akordoi penallti.
Gëzimi i tyre zgjati vetëm 4 minuta, pasi Reali u rikthye sërish në avantazh me mbrojtësin Carvajal, i cili përfitoi nga një rrëmujë e krijuar në zonën e vendasve, teksa topi u përplas në shtyllë dhe shkoi në këmbët e tij. Skuadra merengues momentalisht ngjitet në krye të renditjes me 31 pikë, në pritje të super duelit mes Barcelonës dhe Atleticos. /R.Lika-Koha Jone/
