Nedim Bajrami po rikthehet të bëjë protagonistin tek Empoli pas një nisje të vështirë. Mesfushori kuqezi zhvilloi një sfidë shumë të mirë përballë Inter, ku dhuroi një asist perfekt.
Bajrami ishte gjithashtu një nga më të mirët në fushë edhe përballë Lazio-s, për aq kohë sa ishte në fushë.
Paraqitjet e fundit kanë zgjuar edhe një herë interesimin e klubeve të ndryshme në Serie A për mesfushorin kuqezi. Në skenë ka dalë sërish Sassuolo, ndërsa interesim së fundmi ka shfaqur edhe Salernitana.
Jo vetëm në Serie A, Bajrami ka tërhequr edhe vëmendjen e Gennaro Gattuso-s. Tekniku italian sheh te Bajrami përforcimin ideal për Valencia-n, një investim me pak kosto, por që mund t’i jap ekipin spanjoll më shumë fantazi.