Gjithçka është gati në “New York New Jersey Stadium” për aktin e fundit të Kupës së Botës 2026, ku Spanja dhe Argjentina nuk do të luftojnë vetëm për lavdinë e ngritjes së trofeut më prestigjioz në futboll, por edhe për një shpërblim financiar historik.
Falë zgjerimit të turneut në 48 kombëtare, FIFA ka vendosur një fond rekord për këtë edicion të Botërorit. Skuadra që do të shpallet kampione e botës do të përfitojë plot 43 milionë euro, një rritje e ndjeshme krahasuar me 36 milionë eurot që mori Argjentina pas triumfit në Katar 2022.
Edhe skuadra humbëse e finales do të largohet me një shpërblim të konsiderueshëm. Finalistja e mundur do të përfitojë 28.4 milionë euro, ndërsa vendi i tretë do të shpërblehet me 25 milionë euro. Kombëtarja që përfundon në vendin e katërt do të marrë 23.2 milionë euro.
Ky edicion i Kupës së Botës pritet të jetë më fitimprurësi në historinë e kompeticionit, jo vetëm për shkak të numrit rekord të pjesëmarrësve, por edhe për të ardhurat e krijuara nga biletat, marketingu dhe të drejtat televizive.