UEFA ka përcaktuar trupën e arbitrave që do të drejtojë sfidën mes Shqipërisë dhe Bjellorusisë, e vlefshme për raundin e parë të Grupit 1 në Ligën C të UEFA Nations League.
Ndeshja do të gjykohet nga arbitri anglez Sam Barrott, i cili do të ketë në krah si asistentë Adam Nunn dhe Ëade Smith.
Detyra e arbitrit të katërt i është besuar Farai Hallam, ndërsa edhe sistemi VAR do të jetë nën drejtimin e një trupe angleze. Mattheë Donohue do të jetë arbitri kryesor i VAR-it, i asistuar nga Paul Hoëard në rolin e aVAR.
UEFA ka zgjedhur kështu një grup arbitrash nga Anglia për një prej sfidave të para të Shqipërisë në këtë edicion të Nations League.
Për kuqezinjtë, kjo ndeshje do të jetë gjithashtu e veçantë pasi shënon debutimin zyrtar të trajnerit Rolando Maran në drejtimin e Kombëtares shqiptare.
Shqipëria dhe Bjellorusia do të përballen këtë të shtunë, me takimin që do të nisë në orën 20:45. Kuqezinjtë synojnë ta nisin me rezultat pozitiv aventurën në Nations League.