Botërori 2026 po shënon një kapitull të ri në historinë e futbollit, pasi është edicioni i parë që zhvillohet me 48 kombëtare pjesëmarrëse. Zgjerimi i turneut me 16 skuadra më shumë krahasuar me formatin e mëparshëm ka sjellë edhe një risi të rëndësishme: eliminimin e kalimit direkt në 1/8-at e finales dhe futjen për herë të parë të fazës së 1/16-ave.
Ndeshjet e para të kësaj faze do të nisin të dielën, më 28 qershor, në orën 21:00 sipas kohës italiane. Deri më tani, 18 kombëtare kanë siguruar zyrtarisht kualifikimin në fazën me eliminim direkt, ndërsa disa prej tyre kanë mësuar tashmë edhe kundërshtarët e mundshëm në tabelën e turneut.
Nga ana tjetër, shtatë skuadra i kanë dhënë fund aventurës së tyre në Botëror. Të eliminuara deri në këtë fazë janë Haiti, Turqia, Tunizia, Jordania, Panamaja, Katari dhe Republika Çeke.
Tabela e fazës së 1/16-ave
Krahu i majtë
- Gjermania – njëra nga vendet e treta më të mira të grupeve A, B, C, D ose F
- Fituesi i Grupit I – njëra nga vendet e treta të grupeve C, D, F, G ose H
- Afrika e Jugut – Kanada
- Holanda – Marok
- Vendi i dytë i Grupit K – vendi i dytë i Grupit L
- Fituesi i Grupit H – vendi i dytë i Grupit J
- SHBA – njëra nga vendet e treta të grupeve B, E, F, I ose J
- Fituesi i Grupit G – njëra nga vendet e treta të grupeve A, E, H, I ose J
Krahu i djathtë
- Brazil – Japoni
- Bregu i Fildishtë – vendi i dytë i Grupit I
- Meksika – njëra nga vendet e treta të grupeve C, E, F, H ose I
- Fituesi i Grupit L – njëra nga vendet e treta të grupeve E, H, I, J ose K
- Argjentina – vendi i dytë i Grupit H
- Vendi i dytë i Grupit D – vendi i dytë i Grupit G
- Zvicra – njëra nga vendet e treta të grupeve E, F, G, I ose J
- Fituesi i Grupit K – njëra nga vendet e treta të grupeve D, E, I, J ose L