Tirana përfiton më së miri nga ecuria e ekipeve të para, duke u bërë pjesë e garës për titullin kampion. Skuadra bardheblu mori një fitore të thellë 5-2 ndaj Apolonisë, një ndeshje që në fakt nuk ishte aspak e thjeshtë.
Batha zhbllokoi sfidën që në minutën e 19-të me një goditje dënimi, që do të devijohej. Reagimi i fierakëve ishte mjaft i mirë duke shënuar dy herë me Levendin, që ishte vrastar në zonën e ekipit të Tiranës, duke shënuar në rastet që ju dhanë me kundërsulm.
Bardheblutë zgjohen në fillimin e pjesës së dytë duke barazuar fillimisht shifrat me Torassa-n, ndërkohë që Batha në minutën e 65-të kaloi në avantazh Tiranën me penallti. Në minutën e 77-të, Ismajlgeci shënoi golin e katërt, ndërkohë që Cale do të vuloste triumfin e thellë të Tiranës.
Kukësi vijon ecurinë e tmerrshme në kampionat, duke pësuar humbjen e tretë radhazi ndaj Skënderbeut. Ndeshja u mbyll me fitoren minimale të ekipit korçar. Golin e vetëm e shënoi Mensah në minutën e 72-të, teksa tashmë ekipi i Memellit ka 22 pikë 12 më pak se verilindorët. /R.Lika-Koha Jone/