Në “Olimpico” zhvillohet një ndeshje e çmendur dhe plot emocione: Torino mposht Romën 3-2 në minutat e fundit dhe siguron kualifikimin në çerekfinale, ku do të përballet me Interin.
Roma nis mirë dhe krijon raste me Pisilli dhe El Shaarawy, por Paleari ruan portën. Miqtë mbrohen me rregull dhe në minutën e 35-të kalojnë në avantazh: asist i Vlasic dhe goditje e fortë nga jashtë zone e Che Adams, që mposht Svilarin. Në fillimin e pjesës së dytë, Hermoso barazon me një gol spektakolar, duke ndezur shpresat e vendasve.
Torino reagon menjëherë dhe sërish Che Adams, pas një aksioni të ndërtuar nga Lazaro dhe Vlasic, shënon golin e dytë personal për 2-1. Roma nuk dorëzohet dhe në minutën e 81-të barazon me talentin e vitit 2009, Antonio Arena, në debutimin e tij. Kur penalltitë duken të sigurta, në minutën e 90-të Ilkhan përfiton nga një top i mbetur në zonë dhe shënon golin vendimtar. Torino kalon më tej, Roma eliminohet. Ismajli u largua nga fusha i dëmtuar në pjesën e dytë, duke çaluar.