Manchester United e nisi mbarë vitin 2021, pasi mposhti Aston Villën me rezultatin 2-1 në “Old Trafford”, duke marrë një 3-pikësh që e ngjit përkohësisht në krye me 33 pikë, po aq sa ka edhe Liverpooli.
“Djajtë e kuq” gjetën avantazhin në minutën e 40-të me anë të sulmuesit francez Anthony Martial, por miqtë rikthyen baraspeshën në minutēn e 58-të me golin e shënuar nga Traore.
Vetëm 3 minuta më vonë mesfushori francez Paul Pogba fitoi një penallti, të cilën e ekzekutoi saktë fantazisti portugez Bruno Fernandes, duke shënuar golin që i dha fitoren skuadrës së drejtuar nga Ole Gunnar Solskjaer.
