Të gjithëve na ka ndodhur që të mos na pëlqejë një status ose fotografi në Facebook ose Instagram dhe menjëherë na ka lindur dëshira për një ‘dislike’ (mospëlqim) – ah sikur të ekzistonte një buton i tillë.
Nëse jeni i dhënë pas rrjeteve sociale dhe jeni bezdisur duke pëlqyer gjëra nëpër to, tanimë mund të përdorni një rrjet të ri, i bërë vetëm për “hejtera” (“urryes”), vend ku njerëzit mund të thonë atë që nuk ju pëlqen.
Autori i aplikacionit Xhejk Benks thotë se gjuha e “likeve” (pëlqimeve) i ka bërë njerëzit shumë pozitiv dhe si pasojë e kësaj ata nuk janë më vetvetja. Xhejku mendon se një rrjet i tillë si “Hater” do t’i çlirojë njerëzit dhe do t’i bëjë të mendojnë më mirë se ç’përmbajtje po ndajnë me të tjerët.
