Shumë pak njerëz marrin masa më të forta për privatësinë e tyre, pavarësisht nga sulmet e pafundme të hakerëve. Një studim i fundit tregon se shumë njerëz ndjehen të pafuqishëm për të mbrojtur veten online. Një mbrojtjës i privatësisë jep disa këshilla: “Rezistenca nuk është e kotë, nëse nuk synoni një përsosmëri 100 për qind”, thotë Nico Sell, bashkëthemelues i shërbimit të kodimit të mesazheve, Ëickr. Ai jep disa këshilla për një teknologji të ulët, për të reduktuar gjurmët tuaja dixhitale dhe ekspozimin e tyre.
Censura personale: Kërkimi
Problemi: Kompani kërkimi, si Google, kanë ndërtuar modelin e tyre të biznesit në shitjen e fjalëve kyçe nga përdores apo reklamues, kështu që kërkimet nuk janë kurrë private.
Zgjidhja: Mos kërko nga Google diçka që nuk do të ishte e përshtatshme për t’u ndarë me shefin, të dashurin apo armikun tuaj më të keq. Duke u vetëcensuruar, ju kufizoni informacionin që Google u jep reklamuesve. Për një kërkim me ndjeshmëri të lartë, përshembull, pyetje shëndetësore, pyesni doktorin më mirë. Opsion tjetër? "Shmangni kërkimin e çdo gjëje tjetër në Google", thotë Adi Kamdar, një aktivist i fondacionit jo-fitimprurës, Electronic Frontier. Gjithashtu mund të përdorni mjete kërkimi që nuk kërkojnë të dhënat tuaja, ndryshe nga Google.
Problem me sistemin: Të dhënat tuaja
Problemi: Agjentët e të dhënave janë duke ndërtuar një profil dixhital për ju për t’ua shitur kompanive të reklamave.
Zgjidhja: Dërgoni mesazhe të përziera ndaj motorëve të kërkimit dhe agjentëve të të dhënave, të cilët mbledhin informacionin tuaj nga këto kërkime. Përshembull, kur ju përdorni Google Map për të gjetur kafenenë më të afërt, kërkoni për diçka jashtë karakterit tuaj. Kufizoni gjithashtu edhe sasinë e informacionit personal që shpërndani online, përfshirë ditëlindjet, numrat e telefonit dhe adresat. Nëse ditëlindja juaj është në Facebook, vendosni një ditëlindje të rremë që të jetë më e vështirë për hakerët të vjedhin identitetin tuaj.
Syri spiun: Kamera
Problemi: Kamerat në telefon, tabletë apo smart TV dhe sistemi i sigurisë mund të hakerohet dhe të kthehet në një kamera spiune.
Zgjidhja: Mbuloni kamerën me një shirit elektrik apo diçka tjetër që hiqet lehtësisht kur dëshironi të bëni një foto.
Ëirless është armiqësor: Evitoni rrjetet publike.
Problemi: Njerëzit mendojnë se janë të sigurtë kur lidhen me një rrjet me fjalëkalim, por ëirless publik mund të sulmohet lehtë.
Zgjidhja: Udhëtar, kini kujdes! Lidhuni me një ëirless publik vetëm nëse e dini se është i sigurtë. Për ata që lidhen me një rrjet të sigurtë në hotel, restorant, kafe apo aeroport, Kamdar ka një këshillë: "Përdorni gjëra si Virtual Public Netëork, dhe të jeni të vetëdijshëm se çfarë lidhjesh janë të koduara dhe çfarë jo”.
Reduktoni gjurmët tuaja dixhitale
Problemi: Të dhënat janë bërë shumë të vlefshme për bizneset; disa kërkojnë edhe informacione që jo domosdoshmërisht i duhen, si dita e lindjes apo numri i sigurimit shëndetësor.
Zgjidhja: Gjithmonë pyesni pse ju kërkohen këto të dhëna. Mos i jepni, nëse nuk jeni të sigurtë që janë absolutisht të nevojshme.T.Ch