Volkswagen po përgatitet të pezullojë prodhimin në të gjithë Evropën, pasi kontinenti lufton të përmbajë pandeminë e koronavirusit.
Gjigandi gjerman i automobilave tha të martën se prodhimi në uzinat e tij në Spanjë, Setubal në Portugali dhe Bratislava në Sllovaki do të ndalet para fundit të javës. Fabrikat në Itali që prodhojnë makina Lamborghini dhe motoçikleta Ducati gjithashtu do të jenë të prekura nga kjo masë.
Shumica e fabrikave të tjera gjermane dhe evropiane të këtij grupi po përgatiten të pezullojnë prodhimin, me siguri për dy javë, tha drejtori i Volkswagen Herbert Diess para gazetarëve të martën.
Volkswagen, e cila zotëron marka përfshirë Skoda, Audi, Porsche dhe Bugatti, shpërndau 10.8 milion automjete për klientët në 2019, më shumë se çdo prodhues makinash tjetër.
Gjermanët janë prodhuesi më i fundit në Evropë që mbyll fabrikat si rezultat i koronavirusit. Fiat Chrysler, pronari i Peugeot PSA Group dhe Renault të hënën njoftuan mbylljen e 35 objekteve prodhuese në total në të gjithë Evropën pasi autoritetet rajonale dhe kombëtare vendosën kufizime të mëdha në udhëtime dhe jetën publike. Së bashku, të tre kompanitë shitën afro 12 milion makina vitin e kaluar.
Toyota (TM), prodhuesi i dytë më i madh në botë pas Volkswagen, tha të martën se po ndalte operacionet në dy uzina në Francë dhe Portugali.
Burimi: https://edition.cnn.com/2020/03/17/business/volkswagen-plants-europe-coronavirus/index.html
SCAN