Vende të rehatshme dhe shërbimi i mirë zë një pjesë të madhe që udhëtimi ynë të jetë sa më komod, por kur vjen puna për udhëtime të gjata, shumë prej nesh kanë vetëm tre pyetje: A ka Wi-Fi? A ka vend për karikim ? Çfarë filmash keni?
Traveloka ka analizuar 50 kompanitë më të mira ajrore që operojnë me fluturime të gjata dhe i krahasoi ato në aspektin e shpejtësisë dhe kostos së Wi-Fi, disponueshmërisë së prizës së energjisë, argëtimit gjatë fluturimit dhe mundësisë së dërgimit të mesazheve me tekst dhe thirrjeve telefonike. Qatar Airways, numri 2 i linjës ajrore në botë sipas Skytrax, kryeson listën. Katari u përgjigj kërkesës së konsumatorëve duke nisur shërbimin e saj “Super Wi-Fi” në fillim të këtij viti, me shpejtësi që mund të arrijnë 50 Mbps. Pasagjerëve u ofrohet 1 orë akses në internet falas me shpejtësi të lartë por ato mund të blejnë për pjesën e mbetur të udhëtimit edhe internet pa kufizim për 10 dollarë.
Nga 50 linjat ajrore të përfshira në raport, 36 ofronin Wi-Fi. Linjat ajrore më të mira janë Qatar AirWays, Emirates, Cathay Pacific, Etihad AirWays dhe Virgin Atlantic, të cilët janë të vetmet që sigurojnë TV Live si dhe aftësinë për të bërë telefonata dhe për të dërguar mesazhe me tekst. “Ne po shohim që linjat ajrore po përpiqen të fitojnë një avantazh konkurrues duke bërë përmirësime në ofertat e tyre të teknologjisë.”-thuhej në raport.
Kompanitë ajrore më të mira për shërbimin e internetit janë:
- Qatar Airways (92.3)
- Emirates (88.4)
- Delta Air Lines (85.7)
- British Airways (84.9)
- JetBlue Airways (82.4)
- Cathay Pacific (82.0)
- Alaska Airlines (80.1)
- Turkish Airlines (79.6)
- Etihad Airways (78.6)
- Eva Air (77.4)
- Oman Air (77.4)
- Lufthansa (75.7)
- Virgin Atlantic (72.1)
- Singapore Airlines (72.0)
- Air Canada (71.9)
- Saudi Arabian Airlines (70.6)
- Finnair (68.9)
- Aer Lingus (68.6)
- Hong Kong Airlines (65.1)
- Malaysia Airlines (65.0)
- China Southern (62.4)
- Virgin Australia (61.1)
- Austrian (59.9)
- Air New Zealand (59.7)
- Southwest Airlines (59.3)
Informacioni mbi objektet përkatëse u mblodh kryesisht nga faqet zyrtare të internetit të linjave ajrore.