Windows 10 do të jetë versioni i fundit i sistemit Windows, por kjo nuk do të thotë se ky sistem do të shuhet përgjithmonë.
Duke folur në konferencën Ignite, Jerry Nixon, njëri nga drejtorët e Microsoftit, ka paralajmëruar se Windows 10 do të jetë versioni i fundit i sistemit operativ.
“Tani jemi duke e lansuar Windows 10 sepse do të jetë versioni i fundit i Windowsit. Shkaku i kësaj ne jemi duke punuar shumë në të”, ka thënë Nixon.
Në esencë, kjo do të thotë se Windows 10 do të pranojë përditësime të shpeshta, sesa të lansohet version i ri i Windowsit pas disa vjetësh.“Ne nuk jemi duke folur për të ardhmen e këtij brendi, por konsumatorët tanë mund të ndjehen të qetë sepse Windows 10 do të mbesë edhe më tej sistemi për kompjuterët e tyre”.
Windows 10 do të lansohet për tabletë, telefona dhe kompjuterë gjatë kësaj vere