Bomba atomike apo pushtimi sovjetik çuan në dorëzimin e Japonisë?

Bombardimet më të rënda të ushtrisë amerikane në qytetet japoneze filluan në pranverën e vitit 1945 dhe kulmuan me bombardimin e Tokios më 9-10 mars duke shkaktuar rreth 120 000 të vdekur.

Në fakt, ushtrisë amerikane i duhej të gjente një qytet të madh të pashkatërruar për të treguar fuqinë e armës së saj.

Më 6 gusht, një Boeing B-29 Superfortress Enola Gay lëshoi bombën e parë bërthamore mbi Hiroshima.Pas 70 viteve, shumë në Amerikë mbështesin argumentin e qeverisë se ishin bombat mbi Hiroshima dhe Nagasaki, më 9 gusht, që sollën dorëzimin e Japonisë, përfunduan luftën në Paqësor, shpëtuan jetët e gjysmë milioni trupave ushtarake amerikane në rrezik në pushtimin tokësor të planifikuar në tetor-nëntor si dhe të mijëra civilëve japonezë.

Disa hedhin dyshime mbi idenë se Hiroshima bëri që perandori japonez, Hirohito dhe ushtria e tij të dorëzohej pa kushte më 15 gusht.

Historiani amerikan, Tsuyoshi Hasegawa argumenton se faktori kryesor i kësaj ishte pushtimi surprizë sovjetik i Mançurisë, që u mbajt nga Japonia deri më 9 gusht.

“Nuk pati mbledhje emergjente pas Hiroshimës”, deklaroi Wilson.“Ajo u trajtua thjesht si ndër lajmet më të fundit nga bombardimet e qyteteve japoneze”, shton ai.

Hasegawa, profesor i Universitetit të Kalifornisë, në Santa Barbara, i cili flet rusisht dhe japonisht dhe që ka dëshmuar për bombardimet e Tokios, kur ai ishte fëmijë, paraqet kohështrirjen e ngjarjeve në librin e tij “Racing the Enemy”.

”Këshilli Suprem i Luftës nuk ndërhyri kundër bombardimeve në Hiroshima, por ndërmori aksione të menjëhershme më 19 gusht për të konsideruar kushtet e dorëzimit pas tronditjes kur mësuan se Rusia i kishte deklaruar luftë dhe e kishte pushtuar”, shtoi Wilson.

Ushtria amerikane hodhi bombën e dytë bërthamore në Nagasaki po të njëjtën ditë, por Hasegawa argumenton se nuk pati shumë ndikim në dorëzimin e Japonisë.

“”Ajo çka i druheshim më së shumti, tashmë është bërë realitet”, citon ai Kawabe Torashiron, zëvendësshefin e shtabit të përgjithshëm të ushtrisë japoneze, duke i përshkruar reagimet e brendshme ndaj pushtimit sovjetik një hetuesi amerikan, në vitin 1949./