Fatos Lubonja ka komentuar mega-operacionin e shtrirë në 12 qarqe të vendit që solli arrestimin e 34 personave, mes tyre edhe dy ish-deputetë të PS.
I ftuar në ‘News24’ analisti tha se prokuroria duhet të hetojë se kush është ‘Xhuxhi’ që përmendet në këtë dosje.
Lubonja nxjerr përfundimin se kemi të bëjmë “me kapje me presh në duar”.
“Në gjithë këtë zallamahi siç thotë populli, këtu nuk ka asnjë entuziazëm.Mendoj se mjafton që ti bëjë vetes dhe juve një pyetje për të kuptuar nëse kemi të bëjmë këtu me një dëshirë për të çmontuar krimin me politikën. Dosja e fundit e tregoi qarrtë lidhjen e krimit me politikën.
Do ta mbuloj prokuroria apo do t’i shkojë deri në fund. mesa pash unë aty tek përgjimet na përdoret një pseudonim ‘Xhuxi’ që qenka një punonjës administratë, ça thonë se qenka Vangjush Dako, që për mua s’ka rëndësi.
Ai bënte pazare për punë. Ky hetim qenka për gati dy vjet. Ore cili është ‘xhuxhi’?
Ta kapin ‘Xhuxhin’. Kusho qoftë ky , dako apo kushdo tjetër, detyrë e prokurorisë është që ta kapin. Ne se dimë se kush është ‘Xhuxhi’, ne duam ta kapin. Një ‘Xhuxhi’ qenka në një zyrë, dhe deri tani nuk bëjnë asgjë.
Po ashtu Lubonja theksoi se edhe këtë herë, siç ndodhi në rastin ‘Tahiri’, ndërkombëtarët ‘kapën me presh ndër duar prokurorinë shqiptare’.
“Nga mënyra se si flasin ata duket se e kanë dokumentin, por se thonë (opozita për akuzat ndaj Dakos). Unë di që aty ka një ‘xhuxhi’ dua ta di se kush është ai, pasi ai po bashkëpunon me kriminelë. njerëzit e dinë se s’kanë nevojë për këto dosje. Të gjithë i dinë ato pronat se ku i kanë
. Mjafton të shohësh se nga i bënë këto prona, këto hotele dhe të mendosh se nga i gjetën paratë. Gjykimi im është se siç ishte dhe rasti ‘Tahiri’ këtu kemi të bëjmë me kapje me presh në duart nga ndërkombëtarët.
Kur kapesh me presh në duart, duhet ta lehtësisht këto që ke bërë. Ndaj lehtësimi është; arrestimi i peshqve të vegjël dhe lënia e të mëdhenjve jashtë”, tha ai.