Gazeta e Parmës: Ja pse Taçi nuk shfaqet me emër. Ka hallin e taksave, nuk i ka paguar në Shqipëri

Gazeta e Parmës “Parma Quotidiano” ka zbardhur sot disa nga arsyet e misterit se përse, pronari de facto i skuadrës së serie A nuk shfaqet vetë, por provon të vërë emra të tjerë në presidencën e skuadrës. Gazeta e fillon shkrimin duke thënë se borxhet ndaj shtetit nuk janë një gjë e re për Taçin dhe rrethin e tij. Edhe më parë gazeta kishte folur për borxhe ndaj shtetit Italian që ka akumuluar shoqëria Eventi Sportivi spa, që kontrollon skuadrën e verdhëebluve. Kjo shoqëri sipas gazetës ka 64 milionë euro borxh, 18 nga të cilat ndaj tatimeve italiane.

Por sipas gazetës ajo që e bën edhe më të dyshimtë gjendjen e klubit të Parmës është fakti se Taçi njihet, si një njeri që nuk i paguan borxhet. Ajo ka hetuar dhe ka arritur të nxjerrë se Taçi Oil është një nga 114 shoqëritë shqiptare për të cilat drejtoria e tatimeve ka kërkuar shpalljen e falimentit për mospagim taksash. Pikërisht në këtë shoqëri, bën pjesë edhe Ermir Kodra, i cili është punësuar si këshilltar që në gusht të vitit që shkoi. Po ashtu në listën e borxhlijve të shtetit shqiptar për vitin 2013 është edhe kompania ARMO që atë kohë posedohej nga Taçi, është Gramozi Oil Compani e Gramoz Taçit,  Anika Mercuria Refinery ku figuron e motra Anika, televizioni Alsat në emrin e  Bledar Lilo, La kuarta International, e shënuar në emrin e Irgen Selfo.

Pasi bën këtë listë të gjatë “Parma Quotidiano shkruan: “Kalimi i Parmës nga Tommaso Girardi tek Ermir Kodra për llogariti të Taçit, mendohej ti jepte më shumë siguri skuadrës emiliane. Por ne nuk ndjehemi ende të qetë”.