Kalo te përmbajtja
Koha Jone Logo
  • Të fundit
  • Lajme
  • Aktualitet
  • WebTV
  • Rajoni
  • Bota
  • Politikë
  • Kosova
  • Ekonomi
  • Showbiz
  • Sporti
  • Shqip
  • English
Lexo në app
  • Shqip
  • English
  • Të fundit
  • Lajme
  • Aktualitet
  • WebTV
  • Rajoni
  • Bota
  • Politikë
  • Kosova
  • Ekonomi
  • Showbiz
  • Sporti
  • Lajme
  • Aktualitet
  • Politikë
  • Forum
  • WebTV
  • Editorial
  • Kosova
  • Rajoni
  • Bota
  • Sporti
  • Ekonomi
  • Showbiz
  • Kultura
  • Shëndeti
  • Teknologji
  • Intervista
  • Kronikë
  • Turizëm
  • Sociale
  • Historiku
Lajmet e fundit

Gazeta "KOHA JONË" themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga "Sami Frasheri", Pallatet e Aviacionit të Vjetër Nr. 2, TIRANA - ALBANIA

Site by

Opsionet e pamjes

Pamje shembull E diel, 22 Nëntor 2026, 17:01 BepiColombo hyn në orbitën e Mërkurit pas tetë vitesh udhëtim Sonda BepiColombo ka hyrë në orbitën e Mërkurit pas një udhëtimi tetëvjeçar, njoftoi Agjencia Evropiane e Hapësirës. Misioni i përbashkët me JAXA-n pritet të…
Pamja e bardhë/e zezë
Madhësia e tekstit
  • Në trend
  • Xhensila Myrtezaj
  • Erion Veliaj
  • Fier
  • Qafë Thanë
  • Kanabis
  • Jakup Krasniqi
  • Lara Colturi
  • Protesta
Lajmet e fundit
Në trend
  • Xhensila Myrtezaj
  • Erion Veliaj
  • Fier
  • Qafë Thanë
  • Kanabis
  • Jakup Krasniqi
  • Lara Colturi
  • Protesta
KOHA JONË Lajmet e fundit, gjithmonë me ju
Instalo

Iris Sojli Johan, letër të hapur Kryeministrit Edi Rama

Forum E diel, 14 Qershor 2026 11:38
Iris Sojli Johan, letër të hapur Kryeministrit Edi Rama
Shto te burimet e preferuara

Shpërnda

Facebook WhatsApp Email X

Zoti Kryeministër,
Para se të nis këtë letër, më lejoni të prezantohem.
Unë quhem Iris Sojli, ju shkruaj nga Franca dhe në bulevardin Dëshmorët e Kombit më përfaqëson populli më i bukur i dheut. Populli më i bukur i dheut, në dheun më të bukur të botës.
Janë fytyra të bukura, të ditura, të artikuluara dhe të vendosura, që juve ju duken të pavlera, të përdredhura, influencerë apo agjentë të huaj.
Po të kishit guximin t’i shihnit në sy, do të kuptonit se dëbimi që do të pësonin flamingot, fokat dhe breshkat nga Zvërneci u kujton këtyre njerëzve dhimbjen e tyre. Atë që ende e përjetojnë bij që ndahen nga nënat, fëmijë që ndahen nga gjyshërit dhe pleq që i marrin me vete në tokë të huaj, sepse nuk ka më kush të kujdeset për ta në tokën e tyre.

Unë këtë çrrënjosje e kam përjetuar që 11 vjeçe. Sot jam 46.
U ktheva në Shqipëri në vitin 2010, si një nga ata që quheshin “truri i kombit”, sepse e kisha ëndërruar prej vitesh. Doja që kur të më pyesnin: “Nga je?”, të mund të tregoja me gisht e të thosha: “Jam fiks nga atje, nga ai cepi i rrugës. Nga rruga Bardhyl.”
Doja të isha e rrethuar nga njerëz që kishin parë Tomkën dhe shokët e tij. Të mos më duhej t’i shpjegoja një të huaji gjithë jetën time vetëm sepse dëgjonte theksin tim.

Si erdha, ashtu ika sërish tre vjet më vonë.
Për vite me radhë fajësova veten. Pse rrënjët më ngelën në valixhe? Pse nuk këmbëngula pak më shumë?
Por sot faji mori një fytyrë tjetër.
Vetëm përmes këtij populli që ju këto ditë nuk po denjoni, ose nuk po guxoni, ta shihni në sy, kuptova se faji nuk ishte imi. Kisha bërë gjithçka për të qenë bijë e denjë e kësaj toke.
Me stërgjyshërit që lanë Vjenën dhe Romën për të ndërtuar një Shqipëri të re.
Me gjyshërit që u dergjën burgjeve për një Shqipëri të lirë.
Me gjyshet që hynë në grevë urie në vitin 1991 për një Shqipëri demokratike.
Kisha ngritur dy gishta mbi supet e babait në Qytetin Studenti.
Kisha sharë ushtarët grekë në kufi kur më shihnin si bagëti.
Kisha studiuar për t’u formuar sa më mirë në dobi të vendit tim. Isha kthyer në Shqipëri për të kontribuar në rindërtimin e saj.
Madje ju kisha votuar ju.

Reklamë Reklamo në Koha Jonë
Reklamë Reklamo në Koha Jonë

Sot jam para ekranit dhe shoh këta bija e bij të bukur, të zotë, të urtë e paqësorë dhe qaj.
Qaj nga dëshpërimi që nuk jam atje. Por qaj mbi të gjitha nga gëzimi për këtë brez të ri, të cilit i lëmë me gjithë zemër stafetën e ndryshimit.
Ata nuk janë më si ne.
Nuk janë, siç thotë im atë, qen të rrahur prej së vogli.
Nuk u plas për kushëririn ish-oficer apo të arratisur. Për gjyshin spiun apo të internuar. Nuk përfaqësojnë askënd veç vetes së tyre.
Dhe janë pikërisht ata që do ta mbyllin faqen 35-vjeçare të tranzicionit.
Sepse mjaft më me akuzat: është bija e filanit, është biri i fistekut.
Secili mban përgjegjësi për atë që bën vetë.
Dhe ju mbani përgjegjësi për gjendjen e popullit tonë sot.
Lyerja e një shtëpie të vjetër nuk ia ndreq problemet që ka në themel.
Resortet e bukura në dukje, çentro të hekurosura me niseshte të importuar nga Kolumbia mbi plazhet, kodrat, malet dhe fushat tona, nuk janë ndryshim.
Janë maskim.

ReklamëSwiss DigitalReklamo në Koha Jonë

Maskim që bëhet duke shitur copa toke.
Ju thoni se investimi do të ndryshojë jetën e shqiptarëve dhe do të sjellë begati.
Por unë jetoj në Francë, ku rrugët janë shtruar me bitumin e minierave shqiptare që iu dhanë asaj për një grusht para, ndërsa rrugët tona çahen çdo ditë.
Kam parë djem të rinj që punojnë në turizëm të hanë kokrrën e grushtit për një gotë ujë, nga horra me shpatulla të ngrohta politikisht.
Kam parë si u dha Gjadri pa pyetur askënd.
Kam parë si u shkatërruan brigje të tëra nga etja për fitim të shpejtë.
Kam parë miq të ngrënë fonde në gofundme për të financuar disa seanca kemioterapi.
Dhe i kam parë të gjitha këto të ndodhin sepse strategjia juaj ka qenë gjithmonë e njëjta: pasurimi i shpejtë i një grushti njerëzish.
Sot na kërkoni t’ju besojmë Sazanin, Zvërnecin, Rjollin.
Po mbi çfarë bilanci?
Mbi çfarë shembujsh?
Mbi zëvendëskryeministra në arrati apo nën hetim?
Mbi ministra e kryebashkiakë në burg?
Mbi oligarkë që po plasin nga pasuritë?
Pas gjithë kësaj, si mund të mendoni se do t’ju besojmë?
Mendoni se nga këto investime do të bëhemi më në fund me hekurudhë?
Se bujqit do të prekin një qindarkë?
Se ky lloj turizmi do të na pasurojë?
Nuk e dini ju se ky lloj turizmi vetëm e përdor tokën dhe nuk kontribuon?
Nuk i keni shembujt e vendeve ku vendasit mbeten jashtë gardheve të resorteve, duke parë nga larg pasurinë që kalon para syve të tyre?
Jo.

Mund t'ju interesojë

Elisa, Erioni, Bela e ndoshta Gysi në sfond

Elisa, Erioni, Bela e ndoshta Gysi në sfond

Para 21 orësh
Filip Çakuli: Elisa në botën e çudirave

Filip Çakuli: Elisa në botën e çudirave

21 Nëntor 2026, 15:51
Pse çmimet e ushqimeve në Shqipëri janë më të shtrenjta se në Kosovë?

Pse çmimet e ushqimeve në Shqipëri janë më të shtrenjta se në Kosovë?

20 Nëntor 2026, 17:56

Nuk do ta lejojmë Shqipërinë të bëhet e tillë.
Në qeverinë tuaj ka njerëz të zotë.
Në partinë tuaj ka njerëz të aftë.
Në administratën tuaj ka njerëz që do të donin të punonin ndryshe dhe që po e ndjekin këtë protestë nga larg, nga frika se humbasin vendin e punës.
Ju, që pretendoni se jeni lider evropian dhe demokrat, lërini të lirë.
Lërini të shprehin mendimin e tyre.
Lërini të zgjedhin vetë.
Dhe atëherë do të shohim ku janë njerëzit që ju dhanë mandatin e fundit.
Do të shohim nëse, pa presion, pa kërcënime, pa premtime dhe pa interesa të fshehura, do t’ju votonin sërish.
Kur isha 11 vjeçe, kujtova se bëra revolucion mbi supet e tim eti në Qytetin Studenti.
Pastaj Ramiz Alia nxori ushtarët të votonin me detyrim dhe fitoi sërish.
Historia nuk përsëritet gjithmonë në të njëjtën mënyrë, por arroganca e pushtetit ka një zakon të vjetër: nuk e sheh fundin kur po i vjen.
Kur morët mandatin e parë thatë se donit të mbeteshit në histori për ndryshimin që do t’i sillnit Shqipërisë.
Pas trembëdhjetë vitesh, ndryshimi fryu llogaritë bankare të oligarkëve dhe zbrazi Shqipërinë nga shqiptarët.
Tani çfarë do të bëni?
Çfarë do të bëni përveç stand up-it?
Ju dridhet trupi nga tmerri i një rinie më të zonjë se ajo e juaja.
Zoti Kryeministër, mjaft u bëtë qesharak me argumente agjentureske, seksiste, përçudnuese dhe të pavlera.
Ne e dimë cila është e vërteta.
Të vërtetën e kanë njerëzit që më përfaqësojnë sot.
Ata do dinë ta kthejnë revoltën në propozim.
Do japin më të mirën e tyre.
Do të të heqin ty, ndaj bëji gati dimiqet Yamamoto, se kjo rini me pantallona të lara nga djersa e protestës zgjedh një të ardhme që do të të ruajë në qitape si turp të historisë.
Dhe ata fëmijë që sot buzëqeshin dhe vizatojnë në bulevard do të jenë rojet më të denja të lirisë dhe barazisë në vendin tonë.
Sepse Shqipëria do të rrojë.
Për të, për të luftojmë ne!

Shto te burimet e preferuara

Shpërnda

Facebook WhatsApp Email X

Më të fundit

BepiColombo hyn në orbitën e Mërkurit pas tetë vitesh udhëtim
Para 57 minutash

BepiColombo hyn në orbitën e Mërkurit pas tetë vitesh udhëtim

Ushtria gjermane në Lituani teston dronë kamikazë dhe shënjestrim me AI
Para 1 ore

Ushtria gjermane në Lituani teston dronë kamikazë dhe shënjestrim me AI

Të ardhurat e Real Madridit kalojnë 1.2 miliardë euro
Para 1 ore

Të ardhurat e Real Madridit kalojnë 1.2 miliardë euro

Hapet pika e përbashkët e kalimit kufitar në Qafë Thanë
Para 2 orësh

Hapet pika e përbashkët e kalimit kufitar në Qafë Thanë

Më të lexuarat

1 Elisa Spiropali: Unë jam ajo që fryj erën, sjell shiun, lëshoj breshërin, ngre cunamin, thaj detet, rrafshoj malet…
Para 6 orësh

Elisa Spiropali: Unë jam ajo që fryj erën, sjell shiun, lëshoj breshërin, ngre cunamin, thaj detet, rr...

2 Mbyllen hetimet, dërgohet për gjykim dosja e këngëtares Xhensila Myrtezaj
Para 6 orësh

Mbyllen hetimet, dërgohet për gjykim dosja e këngëtares Xhensila Myrtezaj

3 A do të shpallet me 28 Nëntor Lëvizja Studentore Kombëtare si forcë politike?
21 Nëntor 2026, 15:12

A do të shpallet me 28 Nëntor Lëvizja Studentore Kombëtare si forcë politike?

4 Erion Veliaj shkarkon dy drejtorë të Bashkisë si njerëz të Ramës
Para 19 orësh

Erion Veliaj shkarkon dy drejtorë të Bashkisë si njerëz të Ramës

Koha Jone Logo

E përditshme, e pavarur

  • Të fundit
  • Lajme
  • Aktualitet
  • WebTV
  • Rajoni
  • Bota
  • Sporti
  • Showbiz
  • Politikë
  • Forum
  • Kultura
  • Shëndeti
  • Editorial
  • Kronikë
  • Teknologji
  • Ekonomi
  • Turizëm
  • Sociale
  • Reklamo në Koha Jonë
  • Kontakt
  • Privacy Policy
Download on the App Store Get it on Google Play

Gazeta "KOHA JONË" themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga "Sami Frasheri", Pallatet e Aviacionit të Vjetër Nr. 2, TIRANA - ALBANIA

Site by
  • BOTUES & DREJTOR: Nikoll LESI
  • KRYEREDAKTOR: Daniel MUÇAKU
  • ZV/KRYEREDAKTOR: Redjon SHTYLLA
  • BORDI: Elsa KAMBERI, KRYETARE
  • NIPT: J71425013C

© 2026 KOHA JONE. All rights reserved.