Mesazhi i policisë në PUB: Mos i jep makinës nëse ke pirë alkool!

Në kulmin e festës në një prej PUB-ve të Tiranës, në ekranin e madh që shfaqte klipet e këngëve më të njohura, për pak minuta dominoi mesazhi "Mos i jep makinës nëse ke pirë alkool".

TemA TV ka siguruar videon, që ka tërhequr vëmendjen e të rinjve.

Mesazhi synon ndërgjegjësimin e qytetarëve, për të shmangur drejtimin e mjetit, sidomos kur dalin nga lokalet ku konsumohet alkool në përqindje të lartë.

Kjo është një nga përpjekjet e policisë për të ulur numrin e aksidenteve fatale, që shkakton drejtimi i makinës në gjendje të dehur, pasi në anën tjetër shërbimet nuk kursejnë vënien në pranga të shoferëve që e teprojnë me alkoolin.