Rama, debat me Vuçiç në Twitter

Reagimet pas dhënies së tre pikëve Shqipërisë për ndeshjen e Beogradit kanë qenë të shumta dhe nga më interesantet.

Menjëherë pas lajmit reagoi kryeministri Rama, por atij iu kundërpërgjigj homologu serb në Twitter.

“Ne do të fitojmë në zemër të Tiranës dhe pa patur nevojë për dronë”, shkruante Vuçiç në Twitter.

Rama iu kundërpërgjigj pas disa minutash.

“Do ta duartrokasim së bashku fituesin miku im dhe mos fol sikur varet fitorja nga ty”, i shkruan Rama.

Kryeministri shqiptar e thumbon më pas homologun e tij serb për shkak të mungesës së informacionit.

“Meqë ra fjalë, ndeshja do të luhet në Shkodër dhe jo në Tiranë”, përfundon Rama.