Nga Nora Malaj –
Sot iu bashkova protestës si grua , nënë, gjyshe , pedagoge dhe qytetare e këtij vendi , për të thënë se ky mort na mblodhi për të ndjerë deri në palcë dhimbjen e familjes , së të riut 25- vjeçarë , që humbi jetën barbarisht , në të gdhirë të 8 dhjetorit!
Isha si qytetare që mbeshtes jetën dhe jam kundra dhunës së ushtruar dhe vdekjes së mallkuar dhe makabre .
Sot isha së bashku me Mirën, Sevin dhe mike të tjera .. Ishim për të bashkuar zërin tonë me revoltën e qindra e mijëra qytetarëve , që vdekja po u rri mbi kokë si shpata e Demokleut .
Sot isha në protestë për të mbrojtur jetën , për të denoncuar këdo që vdekje e ka bërë kryefjalë të jetës sonë…
Sot isha dhe jam me zemer e shpirt pranë familjes së djalit që humbi jetën në lulen e rinisë , në mënyrën më tinzare .