“Shansi i fundit”

Ministri i Jashtëm i Francës, Laurent Fabius, thotë se samiti katër-palësh mbi konfliktin në Ukrainë, ka shumë gjasë të mbahet sot në Minsk, pavarësisht çështjeve të pazgjidhura.

Teksa luftimet në lindje të Ukrainës janë intensifikuar dhe vetëm nga sulmet e djeshme të rebelëve janë vrarë nëntëmbëdhjetë civilë, Fabius tha sot se takimi i Minskut “është shansi i fundit”, raporton REL.

Takimi në Minsk mes kancelares gjermane, Angela Merkel, presidenti francez, Francois Hollande, presidentit rus, Vladimir Putin dhe atij ukrainas Petro Poroshenko, është pjesë e përpjekjeve diplomatike për t’i dhënë fund konfliktit në lindje të Ukrainës.

Komentet e tij, ministri i Jashtëm francez i ka bërë sot për radion shtetërore franceze.

Më herët, presidenti francez, Hollande, ka thënë se nëse nuk nënshkruhet një marrëveshje paqeje, jemi duke shkuar drejt luftës.