Shkrepe njëherë o derëbardhë, të përkohshëm jemi të gjithë në këtë botë!

Nga Mentor Kika
Pyet njëherë andej nga “rrugët” për atë tenderin e unazës, çfarë kriteresh kishte tenderi që nuk iu qas asnjë kompani shqiptare por erdhi një që nga ai ishulli i largët amerikan, që as vetë Amerika nuk e di ku bie, e që përfaqësohej nga një recepsionist në Tiranë. Bën vaki del ndonjë kriter, si ai tenderi i famshëm i para pak viteve, që e kishte kusht që kompania të kishte një inxhinier që të ishte diplomuar në vitin 1975 dhe këtë kusht e plotësonte vetëm kompania për të cilën u formulua ky kusht. Ndoshta thuhet aty që kompanisë duhet ti fillojë emri me D, apo pronari të ketë emër aziatik dhe të ketë pak mustaqe, dhe këto kompanitë tona nuk i plotësojnë këto kushte.
Pyet njëherë. Janë 18 milion Euro punë, cila kompani shqiptare do të refuzonte?