Nga Artan Fuga
Si heshtin për turpin e tyre akademikët! Megjithë deklarimet e pavërteta që ka bërë, sikurse dëshmon me fakte gazeta Panorama, personi i zgjedhur nëpërmjet një farse të paligjshme kryetar i Akademisë së Shkencave, Skënder Gjinushi, vazhdon:
1. Të jetë kryetar i partisë socialdemokrate
2. Të jetë në listën zyrtare të fletës së votimit zyrtare të komisionit qendror të zgjedhjeve të 30 qershorit ku partia e tij figuron me numrin 28.
Besoj se edhe më skeptiku tashmë e beson se zgjedhjet në akademinë e shkencave ishin një farsë e rëndë politike si rezultat i pazarit të shëmtuar midis tij dhe kryeministrit Edi Rama sipas parimit : Unë të jap partinë politike si pjesë e koalicionit qeveritar, kurse ti më jep mua nëpërmjet Besa Shahinit dhe Eglantina Gjermenit akademinë e shkencave ku të shtyj pensionin tim.
Faktet sot janë të botuara. Gjithçka bëhet në kundërshtim me ligjin në fuqi sepse sipas tij kryetari i një partie politike nuk mund të jetë as antar i akademisë së shkencave dhe jo më kryetar i saj!
Sikurse thekson me të drejtë media është hera e parë në historinë akademive të shkencave në botë, prej qindra vjetësh, që kryetari i akademisë së shkencave të jetë dhe kryetar i një partie politike. Aq më pak të arrijë të kandidojë në zgjedhjet politike!
Besoj edhe bufi e kupton tashmë sesi një akademi shkencash me në krye partinë socialdemokrate si pjesë e koalicionit qeveritar mund të jetë një institucion i pavarur shkencor që të mbështesi të vërtetën objektive jashtë interesave politike!
Bufi e kupton, por një antar akademie shkencash nuk e kupton akoma!
Besoj edhe bufi e kupton sesi do të zgjidhen tashmë antarët e rinj të akademisë së shkencave kur kjo akademi shkel me dy këmbët, brutalisht, në mënyrë provokative, ligjet e shtetit dhe zgjedh kryetar të saj një kryetar partie. Akademikët do të jenë të gjithë antarë dhe militantë partish qeveritare!
Nuk përjashtohet qëe kryetari i akademisë së shkencave t’u kërkojë akademikëve të antarëesohen edhe në partinë socialdemokrate dhe sikurse ka prova, një pjesë jo e vogël e tyre edhe mundet që kokëulur të paraqiten për të marrë teserat e partisë.
Bufi e kupton këtë, por një antar akademie shkencash nuk e kupton!
Besoj se edhe bufi e kupton që politika ka uzurpuar rëndë shkencën dhe akademinë e saj, sikurse ka uzurpuar edhe universitetet me bordet e mbushura me militantë politikë që dërgon atje ministrja e arsimit. E kupton që kademia e shkencave me anë të kryetarit të saj është kthyer në parti politike që me numrin 28 kandidon për zgjedhjet e qershorit 2019!
Buffi e kupton, por një antar akademie shkencash nuk e kupton!
Turpi dhe skandali ja mbërritën dhe kanë plasur si ujërat e zeza! Ja sesi një akademi shkencash e kalbur, e plakur, e manipuluar nga një grup individësh që e nuk i shqiten prej gjysëm shekulli, produke të diktaturës në shkencë, dhe gënjeshtarë që kërkojnë një vend në akademinë e shkencave nëpërmjet miqve dhe vartësve të vjehërrit, u kthye në parti politike.
Edi Rama i kërcënoi me zhdukje, braktisi dhe tradhtoi reformimin e saj, i la të bëjnë në mënyrë të kundraligjshme zgjdhje farsë, u jep si nga xhepi i tij paranë publike t’a përdorin në mënyrë abuzive si maskë e politikës dhe për interesat e tyre të fëlliqura, të mbijetojnë në kalbëzimin dhe parazitizmin e tyre dogmatik dhe nepotik, por me një çmim ama: Ju do të ktheheni në një parti politike për të më shërbyer mua!
Fakti u zbulua!
Nëpërmjet propozimeve të turpshme të Eglantina Gjermenit, një ish pjesë e stafit ndihmës administrativ dhe ish pedagoge në Universitetin e Tiranës, me anë të kësaj akademie shkencash të kthyer në parti politike vasale e qeverisë, Edi Rama kërkon të kapi dhe kontrollojë politikisht edhe universitetet e qendrat shkencore të vendit!
Edhe një buf e kupton se akademia e shkencave po konkuron për zgjedhjet politike si parti, por një antar akademie shkencash nuk e kupton! Shqetësimi është nëse e kuptojnë profesorët e universiteteve dhe kërkuesit shkencorë! Apo e kuptojnë dhe nuk bëzajnë sepse kanë frikë!
Kryetari uzurpator i akademisë së shkencave nuk duhej të ishte fare antar i asaj akademie sepse ligji ja ndalon, jo më të bëhej kryetar i saj! Kjo shkelje ligjore nuk është sot, por vazhdon me të gjitha pasojat financiare prej dekadash, por sot shpallet si provokacion dhe tallje ndaj ligjit, opinionit publik, komunitetit universitar të vendit!
Pasi politika qeveritare ka kapur ekonominë, administratën, kulturën, universitetet tani kap dukshëm dhe brutalisht edhe shkencën!
Ne jemi si universitarë dhe kërkuesa shkencorë nën diktaturën tiranike të politikës qeveritare. As në periudhën komuniste kjo nuk ka ndodhur kurrë!
Duke qenë i paligjshëm si antar i akademisë së shkencave një kryetar partie, ai po shpall me deklarata publike se është kryetar akademie midis kryetarëve të partive politike dhe kryetar partie politike midis akademikëve. Këtë model e deklaron si gjendje normale ndonëse tërësisht në kundërshtim me ligjin!
Si i tillë i gjithë procesi është i paligjshëm.
I paligjshëm urdhëri i ministres së dikurshme Lindita Nikolla që e emëron Skënder Gjinushin si Kryetar i grupit të reformës,
i paligjshëm projektligji që antari i paligjshëm ka përpiluar për interesat e tij dhe të grupit të bashkëpuntorëve të tij të ngushtë të përfshirë në veprimtari antiligjore,
i paligjshëm dhe antikushtetues prezantimi i iniciativës ligjore të deputetes Eglantina Gjermeni në Komisionin përkatës të Kuvendit të Shqipërisë,
të paligjshme zgjedhjet farsë në akademinë e shkencave që unë kam denoncuar parreshtur si antar i saj!
Shkencën Edi Rama dhe Skënder Gjinushi e e kanë zhytyr në paligjshmëri!
Unë i bëj thirrje kryetares të komisionit të Edukimit dhe të Mjeteve të Informimit Publik, zonjës Fatjona Dhimitri, të distancohet dhe të denoncojë këto paligjshmëri, për të mos u bërë pjesë e tyre si deputete të tjera të qeverisë atje!
Unë i bëj thirrje akademikëve të ndershëm që në heshtje votuan kundër zgjedhjes të paligjshme të kryetarit të Akadmisë së Shkencave, të mos qendrojnë fsheehur, por të dalin hapur kundër kthimit të Akademisë së Shkencave në një organizatë parapolitike per turpin tonë si akademikë!
Unë iu bëj thirrje grupit uzurpator të akademisë së shkencave që sa nuk është shumë vonë të ndërpresin veprimet e tyre në kundërshtim me ligjin sepse një ditë drejtësia ndonëse vonon nuk do të harrojë!
Unë i bëj thirrje Presidentit të Republikës që konform detyrave të tij kushtetuese të mbajë shënim dhe administrojë shkeljet ligjore në zgjedhjen e kryetarit të akademisë së shkencave duke mos miratuar një farsë që e zhyt përfundimisht në llum e në baltën e paligjshmërisë atë institucion!
