Tkurrja e mazhorancës, nga 53 bashki të zgjeruara në 41

Nga Eduard Zaloshnja

Ndarja e re territoriale e pakësoi numrin e njësive vendore nga 374 në 61 njësi, që do të quhen thjesht bashki, dhe që përfshijnë bashkitë aktuale dhe komunat përrreth. Ndër 61 bashkitë e zgjeruara, partitë që sot janë në koalicionin mazhoritar ose afër tij, patën epërsi në votat e qershorit 2013 në 53 prej tyre. Por, sipas një projeksioni që publikova para disa ditësh, pa u shpallur ende kandidaturat e palëve (http://www.respublica.al/opinion/2015/03/27/projeksion-paraprak-i-votave-ne-61-bashkite-e-reja), rezulton se epërsia e dikurshme e mazhorancës është tkurrur aktualisht – nga 53 bashki të zgjeruara ku ajo pati epërsi, tani vetëm në 41 e ka epërsinë paraprake. Për më tepër, edhe në ato bashki të zgjeruara ku aktualisht ka epërsi, kjo e fundit është tkurrur. Në tabelën shoqëruese jepet tkurrja e epërsisë së mazhorancës për çdo bashki të zgjeruar (Renditja e bashkive të zgjeruara është bërë sipas epërsisë paraprake të marsit 2015)

Tabela: Diferenca e votave mes mazhorancës dhe opozitës aktuale, qershor 2013 vs. mars 2015