Arian Çani: Jemi nën protektoratin turk

Pezullimin e fluturimeve nga Albcontrol në Rinas qeveria e cilësoi si “grusht shteti”. Pas arrestimit të punonjësve situatën nën kontroll e kanë marrë specialistët turqë dhe siç u shpreh gazetari Arian Çani përmes emsionit “Të Paekspozuarit” në MCN TV tashmë jemi nën protektoratin e qartë turk.

“Nuk ia vlen të mundohemi të gjejmë fijen në kashtë, Rama e ka të qartë modelin e tij është ajo erdoganiste. Nëse dikush deri dje thoshte jemi nën protektoratin e SHBA, tashmë kemi hyrë nën protektoratin e qartë turk”, tha Çani.

Pjesë nga diskutimi në emisionin “Të Paekspozuarit” në MCN TV:

Rakipi: Qeveria shpall grusht shteti, çmendoni ju për këtë?

Çani: Erdogani pas një letre që i dërguan admiralët u tha që duhet të gjejnë vrimë ku të futen dhe e cilësoi grusht shteti.

Erebara: Deklarata e admiralëve ishte një letër qytetare në mbrojtje të paqes botërore.

Çani: Nuk ia vlen të mundohemi të gjejmë fijen në kashtë, Rama e ka të qartë modelin e tij është ajo erdoganiste. Edhe mediat franceze e kanë quajtur Erdogani dhe vëllai i tij i vogël. Kulmi arrit pikërisht sot pas bllokimi kur merr në telefon sulltanin e madh dhe i thotë më duhen kontrollorë dhe ai ia ka sjellë mbrëmë natën. Nëse dikush deri dje thoshte jemi nën protektoratin e SHBA tashmë kemi hyrë nën protektoratin e qartë turk. Turqia shpëton kullën e Albcontrol. Shpëtoi Ramën.

Erebara: Nuk besoj se e ka shpëtuar.

Erebara: Si arritët të lidheshit me punonjësit e kompanisë, si është rrjedha e ngjarjes që ju vuri juve avokat të sindikatës, në Shqipëri nuk ka sindikata. Si qëlluat në këtë pozicion

Kthupi: Ka qenë njohje miqësore me disa prej kontrollorëve. Paga e 13 e kontrollorëve u kalua në ndihmë të prekurve nga tërmeti dhe kjo qe indicia e bashkëpunimit.

Erebara: Punonjësit kanë grupim formal sindikal?

Kthupi: Është e regjistruar në gjykatën e rrethit gjyqësor Tiranë.

Çani: Turqit që erdhën sot kanë të drejtë të ushtrojnë detyrën e kontrollorit?

Kthupi: Vetëm në kushtet e licensimit nga autoriteti civil

Çani: Sa procedura duhen?

Kthupi: Në kohë normale ato duhej të trainoheshin për uljen dhe ngritjen e avionëve.