Bashkëpunimi mes Kosovës dhe Serbisë, Palmer flet për Zërin e Amerikës: Inkurajues!

I dërguari i posaçëm i Shteteve të Bashkuara për Ballkanin Perëndimor, Matthew Palmer, ka deklaruar se bashkëpunimi i Kosovës dhe Serbisë në lidhje me çështjen e koronavirusit është inkurajues.

Në një intervistë për Zërin e Amerikës, i pyetur se si e shikon ai bashkëpunimin rajonal në luftë kundër Covid-19, para së gjithash të Kosovës dhe Serbisë, duke marrë parasysh se Kosova tashmë i ka shfuqizuar taksat, Palmer është përgjigjur:

‘Mendoj se bashkëpunimi i Kosovës dhe Serbisë në lidhje me çështjen e koronavirusit është vërtetë inkurajues. Ky është një lajm i rrallë i mirë në këtë situatë. Tregëtia është rritur, ekziston bashkëpunimi në shëndetësi. Besoj që Kosova dhe Serbia, të dyja, janë sistemin e “korridorit të gjelbër”. Në të vërtetë, mendoj se të gjitha vendet e Ballkanit Perëndomor janë në korridore të gjelbra (në kuadër të Marrëveshjes CEFTA), i cili do të duhej ta lehtësojë dhe përshpejtojë shkëmbimin e ushqimit dhe barërave në këtë krizë. Kështu që është inkurajuese të shihet se si Kosova dhe Serbia po gjejnë pikat e përbashkëta dhe bashkëpunimin për ta tejkaluar kërcënimin e përbashkët’, ka thënë Matthew Palmer.