Kryesia e Lidhjes Demokratike të Kosovës (LDK) ka miratuar unanimisht marrëveshjen politike me Lëvizjen Vetëvendosje për tejkalimin e krizës institucionale dhe ka mbështetur kandidaturën e Bekim Sejdiut për President të Kosovës.
LDK-ja u ka bërë thirrje deputetëve të saj që gjatë votimit të respektojnë vendimet e organeve të partisë. Sipas Kryesisë, marrëveshja synon ruajtjen e stabilitetit institucional dhe shmangien e një krize të re politike.
Nga ana tjetër, LDK-ja e vlerëson Sejdiun si kandidat me integritet, përvojë profesionale dhe institucionale, duke theksuar angazhimin e tij si jurist, profesor universitar, diplomat dhe ish-gjyqtar i Gjykatës Kushtetuese.