Hapja e Urës së Ibrit, ekspertët: Gjithçka vetëm me një marrëveshje me NATO

Qeveria e Kosovës shprehet e bindur se Ura mbi lumin Ibër do të hapet. Ish-ministri i Brendshëm i Kosovës, Bejtush Gashi thotë se ndryshimi i gjuhës së deklaratave nga kryeministri Albin Kurti, ka ardhur pas takimit me shefin e CIA-s, Burns dhe vizitave të shumta të drejtuesve të lartë të NATO-s në Kosovë”.

Hapja e Urës sipas ish zyrtarit të lartë të Kosovës duhet të arrihet me një marrëveshje mes qeverisë së Kosovës dhe misionit të NATO-s, në Kosovë. Analisti politik Fidan Ukaj nënvizon se gjuha e Kurtit nga ofensive ka kaluar në difensive, pas tani flet vetëm për plane.

Ekspertet vlerësojnë se hapja e Urës së Ibrit dhe situata në veri nuk është çështje vetëm e ligjshmërisë, por më tepër është problem politik sepse lidhet me kundërshtimin e një pjese të qytetarëve që jetojnë në veri të Kosovës.