Gjykata e Apelit në Colmar të Francës vendosi lënien në paraburgim të ish-kryeministrit kosovar, Ramush Haradinaj, në pritje të marrjes së kërkesës formale për ekstradim për krime lufte nga Serbia.

Lajmi bëhet i ditur nga gazeta franceze “Le Figaro”, e cila citon deklaratën e prokurorit të përgjithshëm francez.

Menjëherë pasi të mbërrijë kërkesa për ekstradim nga Serbia, Gjykata e Apelit të Colmarit do të vendosë mbi ligjshmërinë e kërkesës nga Beogradi, siç thekson prokurori. Haradinaj u arrestua një ditë më parë në Aeroportin e Basel-Mulhouse-Freiburg, nga policia kufitare, vetëm pak pasi zbriti nga një udhëtim të nisur nga Prishtina.

Kosova e denoncoi arrestimin e kreut të AAK-së si të paligjshëm dhe të pakuptueshëm, ndërsa kërkoi nga Bashkimi Europian që t’i bënte presion Serbisë të tërhiqte urdhërarrestet e vjetëruara ndaj ish-luftëtarëve të UÇK-së.

Lunaçek: BE t’i bëjë presion Serbisë

Raportuesja për Kosovën në Parlamentin Europian, Ulrike Lunaçek ka kërkuar nga Bashkimi Europian që t’i bëjë presion Serbisë për të hequr fletarrestet ndërkombëtare të lëshuara kohë më parë. Reagimi i Lunaçek ka ardhur pas arrestimit të kreut të Aleancës për Ardhmërinë e Kosovës, Ramush Haradinaj, ditën e mërkurë në Aeroportin e Bale-Mulhouse-Fribourg.

“Mbajtja e fletarresteve ndërkombëtare të vjetëruara nga ana e Serbisë është plotësisht e papranueshme”, ka thënë Lunaçek në një deklaratë të saj. Ndërkohë, i menjëhershëm ka qenë edhe kundërreagimi i ministrit serb Aleksandar Vulin, i cili është shprehur gjatë kësaj të enjteje se, raportuesja për Kosovën në Parlamentin Europian mund të bëjë përpjekje ndaj BE-së për presion ndaj Serbisë, por kurrsesi nuk duhet të bëjë presion drejtuar kryeministrit serb, Aleksandar Vuçiç, që të heqë dorë nga urdhërarrestet ndërkombëtare. “I bëj thirrje Ulrike Lunaçek që të flasë me BE-në, por jo të bëjë presion drejtuar kryeministrit serb Aleksandar Vuçiç”, ka thënë Vulin.

Gruaja e Haradinajt “shpërthen” kundër ministrave të Kosovës

Anita Haradinaj, bashkëshortja e Ramush Haradinajt, ka folur për herë të parë pas ndalimit të burrit të saj nga autoritetet franceze. Ajo përmes një postimi në Facebook ka thënë se nuk ka dashur të flasë rreth kësaj ngjarje, sepse shpreson që koha do të flasë vetë. Megjithatë, ajo ka bërë përgjegjës dhe ka akuzuar rëndë ministrat e Qeverisë së Kosovës, Enver Hoxhaj dhe ministren për dialog  Edita Tahiri, duke i akuzuar si të papërgjegjshëm ndaj obligimeve të cilat kanë si ministra.

Më poshtë mund ta lexoni postimin e plotë të Anita Haradinajt:

Nuk e di për të satën herë në jetë me është dashtë ta luaj rolin e nënës ‘heroinë’, edhe kur Gjini m’pyti ‘Anitë e cka boni Ramushi bre’, sepse për botën e tij te vogël, njeriu duhet patjetër të bëje dicka qe t’kete pune me policine, edhe kur Trimi m’pyti “eeee kur vjen tash Ramushi” edhe kur Hana tha ” E pse na po rrime ktu, ku eshte Ramushi?”

Per ju qe po lexoni dhe per mua qe po shkruaj, per te dhene nje ser pergjigjesh mund te jem nene heroine, nene e forte por ne syte e femijeve te mij isha veq se nje Nene Genjeshtare ne syte e se ciles shihej qarte mllefi, deshperimi e irritimi! Por, per te paren here ne gjithe kete histori procesesh nuk u ndjeva e irrituar as nga vendet mike qe ma njohen shtetin e m’ndihmuan kur pata nevoje as nga vendet armike qe bejne punen e tyre, me erdhi veqse neveri per ata qe perfaqesojne femijet e mij ne syte e botes!!!

Po, po, sot fshiheni nen petkun e pushtetit por neser, neser koha do t’flas dhe ju do jeni te harruar e te shkuar!!! Neser Ti “minister” Hoxhaj do te jesh genjeshtare i paskrupullt ne syte e femijeve tu, Ti Edita Tahiri do sorrollatesh spitaleve nga demet qe i ke bere zemres duke shtuar kilogram te tepert nga drekat e darkat ne Bruksel, le qe nuk shquheni per zgjuarsi efikasitet intelegjence por madje madje as fotogjenik nuk jeni as objektivi i aparatit e i kameres nuk ju do!!!

Jeni tejet irritues kur shfaqeni ne publik! Por le t’ia leme kohes ajo do flase me se bukuri e me se miri per Ju!!! E rendesishme eshte qe Femijet e mi kane shtet edhe ate shtet te barabarte me krejt shtetet e botes sepse optimizmin, deshiren dhe vullnetin per shtet nuk na e ka mbyt as Serbia pa le me zvarraniket…

Femijet e mi dhe femijet e Kosoves kane enderra, kane objektiva, kane rruge te trasuar nga ata qe ende paguajne per çmim dhe nuk pyesin!!! Femijet e mia jane gjenerate e NATO-s, e demokracise, e pluralizmit, e shitet apo nuk e shitet ju integritetin e dinjitetin “refuz” ne Bruksel per nje foto me t’bukur apo per nje CV me te pasur, femijet e mi dhe t’krejt Kosoves jane femije te zgjuar, te gatshem per Evropen e shekullit 21, Ju do te mbeteni veqse te harruar e te shkuar nga koha!!!

Per hir te kesaj te vertete Edite, hapi syte kur t’shkon ne Bruksel dhe dije pse po shkon, qele najhere kete bisede e pastroj keto lista, mos u frikso sepse Ne jemi fitues dhe ata jane humbesit, mbroje kete te ardhme te shtetit ton, nese don koha mos me qene mizore me Ty, e ti Hoxhaj, femije te Kosoves ke edhe vet, mos e bir punen me i rrejt femijet e tu se eshte e rende teper eshte ndjenje e keqe, se veq femijet t’kane idhull te tjerat vijn e shkojne!!! Se mo per president e per kryeminister e parlamentar spo foli hiq se prape po e perseris, Po ja le kohes!!!! Me falni se mund t’ju tingelloj pak patetike por prape po ja le kohes!!!