Kryetari i Komunës së Mitrovicë, Agim Bahtiri është kërcënuar me jetë.
Sipas Express, Bahtiri është kërcënuar me jetë dhe një informacion i tillë është pohuar edhe nga Prokuroria Themelore e Mitrovicës.
Në ambientet përreth shtëpisë tij janë dërguar forca të shumta policie.
“Prokuroria Themelore e Mitrovicës njofton opinionin se bazuar në informatat dhe të dhënat e pranuara në adresë elektronike nga ankuesi – kryetari i Mitrovicës së Jugut A.B., Prokuroria Themelore në Mitrovicë, ka autorizuar hetuesit policorë të ndërmarrin veprime hetimore mbi dyshime të “Kanosjes, shantazhit dhe detyrimit” ndaj të njëjtit.
Prokuroria Themelore e Mitrovicës, njofton opinionin se si rrjedhojë e kërcënimeve ndaj kryetarit të Mitrovicës së Jugut A.B., është vlerësuar e nevojshme prezenca policore në vendbanimin e ankuesit”, ka deklaruar Prokuroria.
Kjo nuk është hera e parë që Bahtiri merr kërcënim me jetë, pasi edhe në vitin 2018 ka ndodhur një ngjarje.