Koronavirusi në Kosovë, regjistrohen 10 viktima dhe 340 raste të reja

Të premten në Kosovë janë regjistruar 340 raste të reja me koronavirusin brenda 24 orësh.

Shifra e publikuara kanë ardhur si pasojë e ekzaminimit të  2.715 testeve, thuhet në raportin e Institutit Kombëtar të Shëndetësisë Publike (IKSHPK).

Sipas raportit janë shënuar gjithashtu edhe 10 viktima, duke e çuar numrin e përgjithshëm të viktimave në 1.568 që nga fillimi i pandemisë. Nga virusi janë shëruar 411 pacientë ndërsa raste aktive janë 6.737 gjithsej.

Që nga 13 marsi i vitit 2020 deri më 19 shkurt 2021 në Kosovë janë regjistruar 65.690 raste me koronavirus prej të cilëve 57.385 janë shëruar.